ការគេងឱបខ្នើយ ស្ទើរតែក្លាយជាទម្លាប់ និងចំណូលចិត្តរបស់មនុស្សជាច្រើន មិនថាក្មេង ឬចាស់នោះទេ។ តែយ៉ាងណាមិញ ការគេងគងខ្នើយ (ដាក់ខ្នើយចំកណ្ដាលចន្លោះជើងទាំងពីរ) ពិតជាផ្ដល់អត្ថប្រយោជន៍ជាច្រើនដែលអ្នកមិនធ្លាប់ដឹង។ ដូច្នេះខាងក្រោមនេះ គឺជាការចែករំលែកខ្លះៗ ដែលក្នុងការងារ គ្រូពេទ្យក្នុងស្រុក បានប្រែសម្រួល ចែកជូនអ្នកទាំងអស់គ្នា។

សម្រាប់អ្នកដែលមិនទម្លាប់គេងបែបនេះ គួរតែសាកល្បងអនុវត្តន៍ជាមួយនឹងទម្លាប់បែបនេះដើម្បីទទួលបានអត្ថប្រយោជន៍ទាំងនេះ។

១. ជួយធ្វើឱ្យប្រសើរឡើងនូវឥរិយាបថនៃការគេង

ទីតាំងគេងមិនគ្រប់គ្រាន់អាចជាមូលហេតុចម្បងនៃការឈឺត្រគាក ខ្នង និងឈឺសន្លាក់បន្ទាប់ពីភ្ញាក់ពីគេង។ ទោះជាយ៉ាងណាក៏ដោយ អ្នកអាចជួយខ្លួនអ្នកដោះស្រាយបញ្ហានេះបានយ៉ាងឆាប់រហ័ស ដោយកាន់ខ្នើយទន់ ៗ ដាក់គង ឬឱបរវាងជើងរបស់អ្នកពេលអ្នកគេង។

ការគេងវិធីនេះនឹងជួយកាត់បន្ថយសម្ពាធលើឆ្អឹងខ្នង និងខ្នងទាប ហើយជាថ្មីម្តងទៀត វាក៏ជួយធ្វើឱ្យទីតាំងគេងប្រសើរឡើងផងដែរ។ ទោះបីជាអ្នកចូលទម្លាប់គេងនៅលើខ្នងអ្នក អ្នកក៏គួរដាក់ខ្នើយទន់នៅពីក្រោមជង្គង់ដែរ ព្រោះនេះក៏អាចជួយធ្វើឱ្យស្តង់ដារ និងទីតាំងគេងរបស់អ្នកប្រសើរឡើងបានដែរ។

២. ជួយធ្វើឱ្យឈាមរត់បានប្រសើរឡើង

ក្រៅពីជួយធ្វើឱ្យប្រសើរឡើងនូវឥរិយាបថ បង្កើតទម្លាប់នៃការគៀបខ្នើយទន់ៗ រវាងជើងរបស់អ្នកពេលគេងក៏ជួយធ្វើឱ្យឈាមរត់បានប្រសើរផងដែរ។

គ្រាន់តែដាក់កល់ខ្នើយមួយនៅចន្លោះជើងរបស់អ្នកពេលគេង នឹងជួយបង្កើនចរាចរឈាមដោយកាត់បន្ថយសម្ពាធលើសរសៃឈាមវ៉ែន ហើយអាចជួយឱ្យសរីរាង្គខាងក្នុងរាងកាយធ្វើការបានល្អ។ លើសពីនេះទម្លាប់នៃការកាន់ខ្នើយនៅចន្លោះជើងរបស់អ្នកពេលគេង ក៏អាចជួយការពារសរសៃឈាមវ៉ែន និងពង្រឹងប្រព័ន្ធភាពស៊ាំផងដែរ។

៣. ជួយកាត់បន្ថយការស្រមុក

ការស្រមុកនឹងធ្វើឱ្យគុណភាពដំណេកចុះខ្សោយ បណ្តាលឱ្យគេងមិនលក់ ឬថែមទាំងធ្វើឱ្យអ្នកដទៃមានអារម្មណ៍មិនស្រួលផងដែរ។ ដើម្បីកាត់បន្ថយការស្រមុក អ្នកជំនាញនិយាយថាពេលគេងអ្នកគួរតែផ្អៀងទៅខាងឆ្វេង។

ប៉ុន្តែការគេងមួយចំហៀងក្នុងរយៈពេលយូរ អាចដាក់សម្ពាធលើត្រគាក និងខ្នង ហើយវាធ្វើឱ្យយើងមានអារម្មណ៍ធុញទ្រាន់ខ្លាំងណាស់ ហើយក៏ធ្វើឱ្យឈឺចាប់បន្ទាប់ពីភ្ញាក់ពីគេង។ ដូច្នេះដើម្បីចៀសវាងការអស់កម្លាំង និងឈឺចាប់ក្រោយពេលភ្ញាក់ពីគេង អ្នកគួរតែទុកខ្នើយនៅចន្លោះជើងពេលគេង។

៤. ជួយបន្ធូរសម្ពាធលើជង្គង់ និងបំបាត់ការឈឺជង្គង់

បន្ថែមលើផលប៉ះពាល់ខាងលើ ការកល់ខ្នើយទន់ៗនៅចន្លោះជើងរបស់អ្នកពេលគេង ក៏អាចជួយកាត់បន្ថយសម្ពាធលើជង្គង់ និងបន្ថយការឈឺជង្គង់បានយ៉ាងល្អ។ ជាពិសេស ប្រសិនបើអ្នកឧស្សាហ៍ឈឺជង្គង់បន្ទាប់ពីភ្ញាក់ពីគេង អ្នកគួរតែអនុវត្តទម្លាប់នៃការគាបខ្នើយនៅចន្លោះជើងរបស់អ្នកនៅពេលអ្នកគេង។

តាមរបៀបនេះខ្នើយក៏ជួយឱ្យយើងទាំងពីរបស់អ្នកបានសម្រាក និងបំបាត់ការឈឺចាប់ និងអស់កម្លាំងផងដែរ។

មានមនុស្សតិចណាស់ដែលដឹងថា ការគេងមានទំនាក់ទំនងជិតស្និទ្ធនឹងសុខភាពផ្ទាល់ខ្លួន។ ដូច្នេះបន្ថែមពីលើពេលវេលាគេង និងការកែសម្រួលទីតាំងគេងឱ្យបានត្រឹមត្រូវអ្នកក៏គួរទម្លាប់កល់ខ្នើយនៅចន្លោះជើងពេលគេង ដើម្បីជួយនាំមកនូវអត្ថប្រយោជន៍ដល់សុខភាពថែមទៀត៕

ប្រភព ៖ Bestie / ប្រែសម្រួល ៖ ភី អេក (ក្នុងស្រុក)