អ្នកដែលចេះតែរមាស់លើរាងកាយមិនបាត់សោះ អ្នកត្រូវធ្វើការតាមដានឱ្យមែនទែន ក្រែងលោមានករណីកើតមហារីកថ្លើម។

១. ស្បែករមាស់ជាប់មិនបាត់សោះ

ប្រសិនបើអ្នកឃើញថាស្បែករបស់អ្នករមាស់ជាធម្មតាវាអាចបណ្តាលមកពីប្រតិកម្មអាឡែហ្ស៊ី និងមូសខាំ ឬរលាកដោយសារតែបម្រែបម្រួលអាកាសធាតុ។ ប៉ុន្តែអ្វីដែលសំខាន់ ប្រសិនបើអ្នកមានអារម្មណ៍រមាស់អស់រយៈពេលជាយូរមកហើយមិនបាត់សោះ ហើយការរមាស់នេះមិនបណ្តាលមកពីឥទ្ធិពលខាងក្រៅទេ នេះអាចជាសញ្ញាមួយដែលបង្ហាញថា អ្នកកំពុងតែឈានទៅរកបញ្ហាមហារីកថ្លើម។ ក្នុងអំឡុងពេលនេះអ្នកគួរតែទទួលបានការពិនិត្យ និងពិគ្រោះជាមួយអ្នកជំនាញ។

មូលហេតុចម្បងនៃការរមាស់ គឺការថយចុះមុខងារដែលនាំឱ្យកើតជម្ងឺខាន់លឿង បន្ទាប់មកបណ្តាលមកពីការកើនឡើងនូវបរិមាណទឹកប្រមាត់នៅលើស្បែក។ ភាគច្រើននៃអ្នកជំងឺមហារីកថ្លើម តែងតែលេចឡើងសញ្ញានៃកន្ទួលរមាស់នៅលើស្បែក។

ដូច្នេះនៅពេលអ្នកឃើញថាខ្លួនអ្នករមាស់មិនធម្មតាអ្នកគួរតែទៅមន្ទីរពេទ្យដើម្បីធ្វើរោគវិនិច្ឆ័យរោគមហារីកជាប្រចាំ ចៀសវាងបង្កជាបញ្ហាធ្ងន់ធ្ងរ ប្រយ័ត្នហួសពេល។

២. ភ្នែករមាស់មិនស្រួល

នៅលើខ្លួនប្រាណរបស់យើង ភ្នែកគឺជាផ្នែកដែលផុយស្រួយណាស់នៃរាងកាយ ប្រសិនបើទុកចោលយូរភ្នែកនឹងស្ងួតរមាស់ ប៉ុន្តែប្រសិនបើរាងកាយមានសភាពធម្មតា ហើយអ្នកមានអារម្មណ៍មិនស្រួលនៅក្នុងភ្នែក ប្រហែលជាមហារីកថ្លើមក៏កើតមានដែរ។

មូលហេតុនៃបញ្ហានេះគឺកាត់បន្ថយចរាចរឈាមពីថ្លើម មិនគ្រប់គ្រាន់ក្នុងការគ្រប់គ្រងភ្នែក បណ្តាលឱ្យភ្នែកមិនទទួលបានបរិមាណឈាមដែលត្រូវការដោយហេតុនេះភ្នែកស្ងួត និងរមាស់។ ។ នោះហើយជាមូលហេតុដែលនៅពេលអ្នកមានបញ្ហារមាស់ភ្នែកអស់រយៈពេលជាយូរមកហើយ ដែលមិនបាត់ទៅអ្នកគួរតែទៅពិនិត្យភ្លាមៗ។

ទន្ទឹមនឹងនេះប្រសិនបើភ្នែករមាស់មិនបណ្តាលមកពីថ្លើម អ្នកក៏គួរតែធ្វើការពិនិត្យសុខភាពផងដែរ ដើម្បីរកមូលហេតុ និងមានទិសដៅព្យាបាលឱ្យបានទាន់ពេលវេលាដើម្បីការពារសុខភាពភ្នែករបស់អ្នក។

សញ្ញាទាំង ២ ខាងលើបង្ហាញថារាងកាយអ្នកមានបញ្ហាថ្លើម អ្នកគួរតែទៅពិនិត្យសុខភាពទូទៅដើម្បីរកការព្យាបាលឱ្យបានទាន់ពេលវេលា៕

ប្រភព ៖ Phunutoday / ប្រែសម្រួល ៖ ភី អេក (ក្នុងស្រុក)