ជាធម្មតា ការផ្លាស់ប្ដូរទម្លាប់មួយចំនួនរបស់យើង វានឹងធ្វើឱ្យស្ថានភាពនៅក្នុងជីវិតប្រចាំថ្ងៃមានការប្រែប្រួល។ តួយ៉ាងដូចជាការឡើងគីឡូក៏ដូចគ្នាដែរ ដូច្នេះខាងក្រោមនេះជាទម្លាប់មួយចំនួនដែលធ្វើឱ្យយើងឡើងទម្ងន់ដោយមិនដឹងខ្លួន។

១. ចេះតែឃ្លានមិនឈប់

ការឃ្លានម្តងម្កាលនឹងធ្វើឱ្យយើងងាយនឹងញ៉ាំច្រើន ជាពិសេសនៅពេលដែលអ្នកចូលចិត្តអាហារឥតប្រយោជន៍ អាហារដែលមានកាឡូរីខ្ពស់។ នៅពេលនោះបរិមាណកាឡូរីដែលបានទទួលទានក្នុងរាងកាយនឹងកើនឡើងច្រើន ជាងបរិមាណកាឡូរីដែលបានប្រើប្រាស់ចាំបាច់ វិធីនេះអ្នកនឹងឡើងទម្ងន់យ៉ាងរហ័ស។

នៅរដូវក្តៅចំណង់អាហារត្រូវបានកាត់បន្ថយ ដោយសារតែអាកាសធាតុក្តៅដែលធ្វើឱ្យរាងកាយមិនស្រួល។ ទោះយ៉ាងណា ការផឹកភេសជ្ជៈតែទឹកដោះគោជាប្រចាំការញុំាអាហារបំពេញនឹងនៅតែធ្វើឱ្យអ្នកឡើងទម្ងន់។

ទន្ទឹមនឹងនេះ រដូវរងារត្រជាក់ធ្វើឱ្យយើងមានអារម្មណ៍ថាញុំាអីក៏ឆ្ងាញ់ដែរ ជាពិសេសគឺស៊ុប ឬអាហារចៀន។ ទន្ទឹមនឹងនេះភាពត្រជាក់ធ្វើឱ្យមនុស្សកាន់តែភ័យខ្លាចក្នុងការផ្លាស់ទីលំនៅ។ ដូច្នេះការទទួលទានកាឡូរីក៏ធំជាងការទទួលទានអាហារដែលមានអត្ថប្រយោជន៍ដែរ។

២. ឃ្លានតែខ្ជិលក្រោក

ប្រសិនបើអ្នកជាមនុស្សម្នាក់ដែលឧស្សាហ៍ចូលគេង និងភ្ញាក់ពីគេងនៅពេលព្រឹក តែថ្មីៗនេះទម្លាប់នេះត្រូវបានផ្លាស់ប្តូរ។ អ្នកមានអារម្មណ៍ថាខ្ជិល ដូចជាអ្នកគេងលក់ស្រួលមិនចង់ក្រោកពីដំណេក ខ្ជិលញុំាអាហារពេលព្រឹក ភាពអសកម្មទាំងនេះក៏ជាសញ្ញាបង្ហាញថារាងកាយជិតនឹងធាត់ដែរ។

បញ្ហានៃការផ្លាស់ប្តូរទម្លាប់រស់នៅអាចបណ្តាលឱ្យរាងកាយនៅទ្រឹង ហើយសរីរាង្គខាងក្នុងធ្វើការមិនមានប្រសិទ្ធភាព។ នៅពេលចលនាពោះវៀនត្រូវបានកាត់បន្ថយសមត្ថភាពមេតាប៉ូលីសក៏ផ្លាស់ប្តូរដែរ ខ្លាញ់ច្រើនត្រូវបានកកកុញនៅក្នុងរាងកាយដែលនឹងធ្វើឱ្យអ្នកឡើងទម្ងន់ និងកកកុញខ្លាញ់ច្រើន។

៣. ក្រោកពីគេងយឺតហើយញុំានៅពេលយប់ច្រើន

ប្រសិនបើអ្នកគេងយឺត ហើយញុំានៅពេលយប់ច្រើនជាង ៣ ដងក្នុងមួយសប្តាហ៍ រាងកាយរបស់អ្នកនឹងឡើងទម្ងន់យ៉ាងងាយ។

នៅពេលយប់ការរំលាយអាហារថយចុះ ប្រសិនបើអ្នកញុំាជាប្រចាំនៅពេលយប់ និងចូលគេងភ្លាមៗបន្ទាប់ពីញុំារួច ពោះវៀន និងក្រពះរបស់អ្នកនឹងត្រូវធ្វើការស្ទើរតែពេញមួយយប់ដើម្បីរំលាយអាហារ។

ទន្ទឹមនឹងនេះដែរ ប្រសិនបើអ្នកចូលគេងយប់ជ្រៅ នោះចំណង់អាហាររបស់អ្នកកាន់តែកើនឡើង។ នេះបណ្តាលឱ្យអ្នកញុំាជាបន្តបន្ទាប់ដើម្បីបំពេញតម្រូវការរបស់អ្នក។

ទាំងអស់នេះនឹងជះឥទ្ធិពលអវិជ្ជមានដល់មុខងាររបស់ប្រព័ន្ធរំលាយអាហារ ងាយបង្កឱ្យមានជាតិខ្លាញ់លើសកកកុញនៅក្នុងសរីរាង្គខាងក្នុង៕

ប្រភព ៖ Phunutoday / ប្រែសម្រួល ៖ ភី អេក (ក្នុងស្រុក)