ក្រឡេកមើលប្រអប់ជើងរបស់អ្នក វាក៏អាចប្រាប់អំពីសុខភាពរបស់អ្នកបែបណា ហើយត្រូវការអាហារបំប៉ន ឬជួបគ្រូពេទ្យដើម្បីពិគ្រោះយ៉ាងណាខ្លះ?

១. មនុស្សដែលមានប្រអប់ជើង៣ប្រភេទនេះ ជាមនុស្សដែលមានសុខភាពល្អ មិនសូវមានជំងឺ និងអាយុវែង

- ប្រអប់ជើងពណ៌ផ្កាឈូក ៖

យោងតាមឱសថបុរាណបាននិយាយថា ប្រអប់ជើងមនុស្សមានពណ៌ ៥ ប្រភេទគឺ ពណ៌ខៀវក្រហម លឿង ស និងខ្មៅ។ នៅពេលមនុស្សមានជើងពណ៌ផ្កាឈូក ពណ៌ក្រហម វាបង្ហាញពីសុខភាពល្អបំផុត ហើយមនុស្សទាំងនេះក៏មានអាយុវែងរស់នៅបានយូរផងដែរ។ ប៉ុន្តែប្រសិនបើជើងរបស់អ្នកមានពណ៌ខៀវ ឬខ្មៅ ជើងត្រជាក់ អ្នកកំពុងតែទទួលរងនូវជំងឺថ្លើម ឬថង់ទឹកប្រមាត់ ភាពស្លេកស្លាំងដែលងាយនឹងបាត់បង់ជីវិតយ៉ាងឆាប់រហ័ស។ ប្រសិនបើជើងរបស់អ្នកមានពណ៌ស ឬខ្មៅវាអាចថាឈាមរត់មិនល្អត្រូវការអាហារដែលមានជាតិដែកច្រើន។

-សីតុណ្ហាភាពជើងក្តៅល្មម ៖

អ្នកដែលមានសីតុណ្ហភាពជើងក្តៅ (ប៉ុន្តែល្មម) ប្រាកដជាមនុស្សដែលមានអាយុវែង ដោយមានជំងឺតិចតួច។ ផ្ទុយទៅវិញមនុស្សម្នាក់ដែលមានជើងត្រជាក់ បង្ហាញពីថ្លើមខ្សោយ និងក្រលៀនអន់។ អ្នកដែលមានជើងក្តៅបង្ហាញថាឈាមមិនល្អ និងផ្ទុកជំងឺច្រើនមុខ។

- ក្រចកជើងពណ៌ផ្កាឈូក ៖

ឱសថបូព៌ាបង្ហាញថាមនុស្សដែលមានសុខភាពល្អ និងមានអាយុវែងនឹងមានក្រចកជើងពណ៌ផ្កាឈូក។ នៅពេលដែលម្រាមជើងរបស់អ្នកប្រែជាស្លេកស្លាំងបន្តិចម្តងៗ ឬប្រែទៅជាលឿង ឬសខ្លាំង សូមអ្នកប្រញាប់ទៅពិនិត្យសុខភាពឱ្យបានឆាប់។

២. ប្រអប់ជើងរបស់អ្នកឈឺងាយនឹងមានវាសនា 

- សរសៃពួរនៅលើជើង គឺពិបាក ធ្វើឱ្យឈឺចាប់ជារឿយៗ ៖

នៅពេលដែលអ្នកក្រឡេកមើលជើង បើអ្នកឃើញថានៅលើជើងមានសរសៃប្រសាទ និងសរសៃឈាមរាប់មិនស្មើ ហើយសរសៃពួរទាំងនេះពិតជាបង្ហាញយ៉ាងច្បាស់ថាសុខភាពរបស់អ្នកមិនមានផលល្អ ភាពស្លេកស្លាំង រាងកាយខ្សោយ ឬមុខងារថ្លើម និងតម្រងនោម ប្រព័ន្ធរំលាយអាហារមិនល្អ។ ទន្ទឹមនឹងនេះដែរប្រសិនបើសរសៃពួរក្នុងជើងរឹង វាមានន័យថាអ្នកមានជំងឺក្រិនសរសៃឈាម អ្នកត្រូវទៅពិនិត្យសុខភាពជាបន្ទាន់។

- ស្ពឹកជើង និងម្រាមជើងញឹកញាប់ ៖

ប្រសិនបើអ្នកជារឿយៗមានអារម្មណ៍ស្ពឹកដោយមិនដឹងមូលហេតុ នេះអាចជាសញ្ញានៃសរសៃឈាមស្ទះដែលនាំឱ្យស្ទះចរាចរឈាម បណ្តាលឱ្យស្ពឹកជើងក្នុងតំបន់។ ស្ពឹកនៃជើងក៏អាចជាសញ្ញាដំបូងនៃជំងឺដាច់សរសៃឈាមខួរក្បាលផងដែរ ដូច្នេះត្រូវប្រុងប្រយ័ត្នឱ្យមែនទែន៕

ប្រភព ៖ Phunutoday / ប្រែសម្រួល ៖ Knongsrok