ចំណេះដឹងខ្លីៗ ពីរបៀបទុកបន្លែឲ្យនៅស្រស់បានយូរ (How to keep vegetables fresh longer)
ភាគច្រើនមនុស្សយើងសម័យនេះ មិនសូវមានពេលគ្រប់គ្រាន់ក្នុងការដើរទៅផ្សារជាពិសេសនាសម័យកូវិដនេះទៀតសោតជាហេតុយើងតែងទិញច្រើនក្នុងពេលតែមួយតែម្តង ដើម្បីរក្សាទុកចម្អិនបានច្រើនថ្ងៃ។
ប៉ុន្ដែតម្លៃនៃអាហារូបត្ថម្ភក្នុងបន្លែ ផ្លែឈើទាំងនោះ នឹងបាត់បង់អំឡុងពេលយើងស្តុកទុក ទោះដាក់ក្នុងទូទឹកកកក៏ដោយ។ អត្ថបទនេះចង់ប្រាប់តិចនិកខ្លះៗពីចំណោះដឹងខ្លីៗ អាចរក្សាបន្លែ ត្រី សាច់ ឲ្យនៅស្រស់បានយូរ។
តោះទៅតាមដានទាំងអស់គ្នា៖
១. របៀបរក្សាខ្ញី៖ គួរទុកកន្លែងកក អាចរក្សាទុកបានយូរនិងងាយស្រួលក្នុងការហាន់នាពេលត្រូវការចម្អិន។
២. របៀបរក្សាផ្សិត៖ ដាក់ក្នុងថង់ក្រដាស់នៅកន្លែងត្រជាក់និងស្ងួត។
៣. របៀបរក្សាប៉េងប៉ោះ៖ ដាក់ក្នុងថង់ក្រដាស់នៅកន្លែងត្រជាក់។
៤. របៀបរក្សាស្លឹកខ្ទឹម៖ ហាន់ឲ្យល្អិតៗដាក់ក្នុងដបជ័រ (ស្ងួត) រួចដាក់នៅកន្លែងកក។
៥. របៀបរក្សាការ៉ុត៖ ដាក់ត្រាំក្នុងទឹកឲ្យលិចដូចក្នុងរូប ហើយប្តូរទឹករៀងរាល់ ៣ឬ៤ ថ្ងៃម្តង។
៦. របៀបរក្សាដំឡូងបារាំង៖ ទុកនៅកន្លែងងងឹងហើយស្ងួត។
៧. របៀបរក្សាស្លឹកជី៖ ទុកនៅកន្លែងកកដូចរូបខាងក្រោម។
៨. របៀបរក្សាសណ្តែកគួ៖ លាងទឹងឲ្យស្អាតទុកឲ្យស្ងួតចំនួន ២០នាទី រួចកាត់ខ្លីសមរម្យដាក់កន្លែងស្ងួតជាការស្រេច។
ប្រភពរូបភាព៖ aeonretailcambodia
Recent News
