យោងតាមអ្នកជំនាញបានឱ្យដឹងថា មានផ្លែឈើជាច្រើនដែលអាចជួយដល់ការសម្រកទម្ងន់បានយ៉ាងល្អ ប្រសិនបើបរិភោគជាប្រចាំ កាត់បន្ថយបរិមាណអង្ករ និងចំណីអាហារផ្សេងទៀត ដែលបានទទួលទាន វារឹតតែមានប្រសិទ្ធភាពដូចការហាត់ប្រាណដែរ។

១. ផ្លែប៉ោម

យោងតាមអ្នកជំនាញអាហារូបត្ថម្ភគ្រីស្ទីនស្មីត (អ្នកនាំពាក្យនៃបណ្ឌិត្យសភាអាហារូបត្ថម្ភ និងរបបអាហារបំប៉ន) បានឱ្យដឹងថា ផ្លែប៉ោមគួរតែត្រូវបានលើកឡើងមុនគេ នៅក្នុងបញ្ជីផ្លែឈើដែលជួយសម្រកទម្ងន់ប្រកបដោយប្រសិទ្ធភាព។ ផ្លែឈើនេះមានជាតិសរសៃខ្ពស់ ប៉ុន្តែមានកាឡូរីទាប ដែលអាចធ្វើឱ្យការរំលាយអាហារយឺត និងធ្វើឱ្យអ្នកមានអារម្មណ៍ឆ្អែតបានយូរ។

យោងទៅតាមក្រសួងកសិកម្មសហរដ្ឋអាមេរិក (USDA) ផ្លែប៉ោមមានទំហំមធ្យមផ្តល់នូវជាតិសរសៃ ៤,៣៧ ក្រាម (ក្រាម) រួមជាមួយ ៩៦,៤ កាឡូរី។

មានការសិក្សាបង្ហាញថា ការទទួលទានផ្លែឈើដែលមានជាតិសរសៃខ្ពស់ និងកាឡូរីទាបដូចជាផ្លែប៉ោម អាចជួយមនុស្សឱ្យគ្រប់គ្រងទម្ងន់បានយ៉ាងល្អ។

២. ផ្លែបឺរី

អ្នកជំនាញផ្នែកអាហារបំប៉នគ្រីស្ទីនស្មីតបាននិយាយថា ផ្លែរបឺរីមានរសជាតិផ្អែមធម្មជាតិ ដូច្នេះវាអាចជួយមនុស្សយពេញចិត្តនឹងចំណង់ស្កររបស់វា។ លើសពីនេះ ផ្លែឈើនេះក៏ផ្តល់នូវជាតិសរសៃជាច្រើនដែលជាសារធាតុប្រឆាំងអុកស៊ីតកម្ម ជួយប្រឆាំងនឹងរ៉ាឌីកាល់សេរីនៅក្នុងខ្លួន។

ជាពិសេសផ្លែបឺរី ក៏មានផ្ទុកនូវវីតាមីន C និងវីតាមីនEខ្ពស់ ដែលជួយប្រឆាំងនឹងជំងឺរ៉ាំរ៉ៃដូចជា ជំងឺទឹកនោមផ្អែម និងមហារីកផងដែរ។ អ្នកអាចបន្ថែមផ្លែបឺរីចូលក្នុងធញ្ញជាតិ អាហារពេលព្រឹក ឬទឹកដោះគោជូររបស់អ្នកលាយវាជាមួយនំបុ័ងប៊ឺហ្គើ សាឡាត់ ... មានប្រសិទ្ធិភាពសម្រកទម្ងន់បានយ៉ាងល្អ។

៣. ឪឡឹក

លក្ខណៈពិសេសដែលគួរឱ្យកត់សម្គាល់បំផុតនៃឪឡឹក គឺថាវាមានសមាសភាពទឹកខ្លាំងណាស់។ នោះនឹងជួយអ្នកឱ្យគ្រប់គ្រងភាពឃ្លាន និងចំណង់អាហារបាន ព្រោះឪឡឹកធ្វើឱ្យអ្នកមានអារម្មណ៍ថាឆ្អែតបានលឿន។ ផ្លែឪឡឹកក៏មានផ្ទុកនូវវីតាមីន និងជាតិរ៉ែជាច្រើនដែរ ប៉ុន្តែកាឡូរីមានតិចតួចណាស់។ ប្រសិនបើអ្នកមិនបរិភោគផ្លែឪឡឹកដោយផ្ទាល់ទេ អ្នកអាចច្របាច់ទឹកហើយផឹកវាពេលថ្ងៃ។

៤. ម្នាស់

ប្រហែលជាដោយគ្មានការជជែកវែកញែកច្រើនអំពីផ្លែម្នាស់ ទាក់ទងនឹងជំនួយនៃការសម្រកទម្ងន់ឡើយ។ នេះគឺជាផ្លែឈើដែលគ្មានកូលេស្តេរ៉ុល និងខ្លាញ់ ប៉ុន្តែសម្បូរទៅដោយសារធាតុប្រឆាំងអុកស៊ីតកម្មអង់ស៊ីម និងសារធាតុរ៉ែ។ ជាពិសេសរាងកាយត្រូវការថាមពលច្រើន ដើម្បីអាចទទួលទានផ្លែឈើនេះបាន ដូច្នេះអ្នកអាចធានាថាទទួលទានម្នាស់រាល់ថ្ងៃក្នុងពេលសម្រកទម្ងន់។ ម្នាស់ក៏សម្បូរទៅដោយជាតិសរសៃរំលាយអាហារផងដែរ ដូច្នេះពួកគេក៏ធ្វើការសម្អាតជាតិពុលសម្រាប់រាងកាយផងដែរ។

៥. ទឹកក្រូច

យោងទៅតាមក្រសួងកសិកម្មសហរដ្ឋអាមេរិក ទឹកក្រូចដែលមានទំហំមធ្យមផ្តល់នូវជាតិសរសៃ ៣,១៤ ក្រាមស្មើនឹង ១១ ភាគរយនៃតម្រូវការប្រចាំថ្ងៃរបស់អ្នក។ ប៉ុន្តែប្រសិទ្ធភាពសម្រកទម្ងន់ អាចអនុវត្តបានលុះត្រាតែអ្នកញុំាក្រូចគ្រប់មុខមិនត្រឹមតែផឹកទឹកប៉ុណ្ណោះទេ។

ក្រៅពីនេះផ្លែក្រូចក៏មានផ្ទុកវីតាមីន C ខ្ពស់ផងដែរ ដែលផ្តល់នូវគុណប្រយោជន៍ជាច្រើនដល់សុខភាព ដូចជាជួយបង្កើនប្រព័ន្ធភាពស៊ាំជួយឱ្យរាងកាយ បង្កើតកូឡាជែន និងជួយក្នុងការស្រូបយកជាតិដែក។

៦. ផ្លែប័រ

អ្នកប្រហែលជានឹងភ្ញាក់ផ្អើលនៅពេលរកផ្លែប័រនៅក្នុងបញ្ជីនេះ ព្រោះវាមានជាតិខ្លាញ់ខ្ពស់។ ទោះជាយ៉ាងណាក៏ដោយ អ្នកវិទ្យាសាស្ត្របានបង្ហាញថា ផ្លែប័រគឺជាផ្លែឈើដ៏ល្អបំផុតដែលជួយក្នុងការសម្រកទម្ងន់។ ខ្លាញ់នៅក្នុងផ្លែប័រមិនត្រឹមតែមិនបង្កឱ្យឡើងទម្ងន់ប៉ុណ្ណោះទេ តែវាក៏ជួយកាត់បន្ថយកូឡេស្តេរ៉ុលក្នុងឈាមផងដែរ។ ទន្ទឹមនឹងនេះ ផ្លែបឺរធ្វើឱ្យអ្នកមានអារម្មណ៍ឆ្អែត ហើយរសជាតិខ្លាញ់របស់វាធ្វើឱ្យអ្នកបាត់បង់ចំណង់អាហារ ចំពោះអាហារដែលសម្បូរទៅដោយថាមពលផ្សេងទៀត៕

ប្រភព ៖ Phunutoday / ប្រែសម្រួល ៖ Knongsrok