ក្រូចឆ្មា គឺជាផ្លែឈើមួយប្រភេទដែលសម្បូរទៅដោយវីតាមីន C អាស៊ីតដែលមានអត្ថប្រយោជន៍ខ្ពស់ក្នុងការសម្អាត និងប្រឆាំងភាពចាស់។ គន្លឹះថែរក្សាសម្រស់ជាមួយនឹងក្រូចឆ្មាខាងក្រោមនេះ នឹងជួយឱ្យអ្នកមានស្បែកស្រស់ស្អាតឥតខ្ចោះ។

ក្រូចឆ្មាមានសារធាតុប្រឆាំងអុកស៊ីតកម្មដ៏មានឥទ្ធិពល គឺសម្បូរទៅដោយវីតាមីន C និងអាស៊ីតខ្ពស់ ដែលមានប្រសិទ្ធភាពខ្ពស់ក្នុងការការពារមុន ជួយឱ្យស្បែកស និងប្រឆាំងភាពចាស់។ ទោះជាយ៉ាងណាក៏ដោយ ប្រសិនបើលាបទឹកក្រូចឆ្មារក្នុងបរិមាណដ៏ច្រើនដោយផ្ទាល់ទៅលើផ្ទៃមុខ អាចបណ្តាលឱ្យរលាក រមាស់ ឈឺចាប់ផ្សា ... ដូច្នេះនៅពេលប្រើក្រូចឆ្មាដើម្បីថែរក្សាសម្រស់ អ្នកគួរតែកត់សម្គាល់នូវចំណុចមួយចំនួន។

ជាមួយនឹងរូបមន្តថែរក្សាសម្រស់របស់ក្រូចឆ្មា អ្នកគួរតែសាកល្បងប្រើកន្លែងដែលមិនសូវងាយប៉ះពាល់ខ្លាំងដូចជាកែងដៃ មុនពេលលាបលើមុខរបស់អ្នក។

អ្នកអាចប្រើទឹកក្រូចឆ្មាក្នុងបរិមាណតិចតួច ដើម្បីជួយសម្អាត និងធ្វើឱ្យស្បែកភ្លឺថ្លា។

នេះជារូបមន្តថែរក្សាស្បែកមួយចំនួន ជាមួយក្រូចឆ្មា ដែលអ្នកអាចសាកល្បងនៅផ្ទះបាន ធានាថានឹងនាំមកនូវប្រសិទ្ធិភាពដែលអ្នកប្រាថ្នាចង់បាន។

១. ការព្យាបាលមុន

សូមអរគុណចំពោះលក្ខណៈសម្បត្តិប្រឆាំងនឹងបាក់តេរី និងអាស៊ីតរបស់វា ក្រូចឆ្មាមានប្រសិទ្ធិភាពខ្ពស់ក្នុងការព្យាបាលមុន មុនក្បាលខ្មៅ និងមុនដទៃទៀត។

ក្រូចឆ្មាជួយគ្រប់គ្រងបរិមាណប្រេង ដែលលាក់កំបាំងលើស្បែក និងរឹតបន្តឹងរន្ធញើសសម្រាប់ស្បែកស្រស់ថ្លា និងគ្មានស្នាម។

លាយទឹកក្រូចឆ្មាពីរបីរតំណក់ជាមួយទឹកក្នុងសមាមាត្រ ២-៣ លាយល្អ បន្ទាប់មកប្រើគ្រាប់បាល់កប្បាសយកមកលាបលើស្បែកដែលងាយនឹងកើតមុន។

ទុកចោល ១០-១៥ នាទី បន្ទាប់មកលាងមុខចេញដោយទឹកត្រជាក់។

ប្រយ័ត្នកុំចេញទៅក្រៅពេលថ្ងៃ បន្ទាប់ពីប្រើក្រូចឆ្មាលើផ្ទៃមុខ ព្រោះវាអាចបណ្តាលឱ្យមានពន្លឺព្រះអាទិត្យធ្វើឱ្យស្បែកខ្មៅទៅវិញ។

២. ការព្យាបាលស្នាមអុជខ្មៅ

លក្ខណៈសម្បត្តិធ្វើឱ្យសរបស់ក្រូចឆ្មាធម្មជាតិ ជួយស្បែកបំបាត់ស្នាមអុជខ្មៅ និងធ្វើឱ្យស្បែកមានពណ៌ស្រស់ថ្លា។

លាយល្បាយនៃល្ហុងដី ទឹកឃ្មុំជាមួយតំណក់ទឹកក្រូចឆ្មាពីរបីដំណក់។

សូមចងចាំថា ដោយសារតែក្រូចឆ្មាមានជាតិអាស៊ីតខ្ពស់ ពួកវាមិនគួរយកទៅលាបត្រង់កន្លែងធំៗ នៃស្បែកទេ តែត្រូវផ្សំជាមួយគ្រឿងផ្សំផ្សេងទៀត ដើម្បីរក្សាតុល្យភាព pH និងទទួលបានអត្ថប្រយោជន៍ល្អបំផុតសម្រាប់សម្រស់។

លាបម៉ាសនេះទៅលើមុខ និងរក្សាទុករយៈពេល ២០ នាទីបន្ទាប់មកលាងជាមួយទឹកត្រជាក់។

៣. បង្កើនប្រសិទ្ធិភាពសំណើម

លក្ខណៈសម្បត្តិប្រឆាំងនឹងបាក់តេរី និងអាស៊ីតនៃក្រូចឆ្មាផ្តល់ឱ្យក្រូចឆ្មារមានប្រសិទ្ធិភាពបោសសម្អាត។

លាយទឹកក្រូចឆ្មាជាមួយប្រេងដូង នឹងបង្កើតជាជាតិសំណើមដ៏ល្អឥតខ្ចោះដើម្បីជួយម៉ាស្សាមុខរបស់អ្នក។

ប្រេងដូងនឹងផ្តល់ជាតិទឹក និងចិញ្ចឹមស្បែករបស់អ្នក រីឯក្រូចឆ្មាជួយឱ្យស្បែកស្រាល និងបន្សាបជាតិពុល។

ប្រសិនបើអ្នកមានស្បែកងាយប្រតិកម្ម អ្នកគួរតែកាត់បន្ថយសមាមាត្រនៃទឹកក្រូចឆ្មាក្នុងល្បាយទាំងនេះ៕

ប្រភព ៖ Phunutoday / ប្រែសម្រួល ៖ Knongsrok