ការទទួលទានស្ករច្រើនពេក នាំឱ្យមានផលវិបាកមិនល្អជាច្រើនដល់សុខភាព។ ប្រសិនបើអ្នកឃើញថារាងកាយរបស់អ្នកមានរោគសញ្ញា ៦ យ៉ាងខាងក្រោមនេះ សូមបញ្ឈប់ការញុំាជាតិស្ករហួរកម្រិតទៀតទៅ។

១. ឈឺសាច់ដុំ និងសន្លាក់

ការទទួលទានជាតិស្ករច្រើនពេក បណ្តាលឱ្យកោសិកាភាពស៊ាំបំបែកសារធាតុរលាកដែលព្យាយាមបំបែកប្រូតេអ៊ីន ដែលមានជាតិគ្លុយកូស ឬជាតិស្ករ។

ការសិក្សាវេជ្ជសាស្រ្តបានបង្ហាញថា ការបរិភោគបង្អែមច្រើនពេកក៏ជាមូលហេតុនៃជំងឺរលាកសន្លាក ជំងឺភ្នែកឡើងបាយ ការចងចាំខ្សោយ ស្បែកជ្រីវជ្រួញ…។

ជាតិស្ករ គឺជាភ្នាក់ងាររលាក ហើយជាតិផ្អែមសិប្បនិម្មិតត្រូវបានផ្សារភ្ជាប់ជាមួយនឹងការវិវត្តនៃជំងឺទឹកនោមផ្អែម ការស្លាប់មុនអាយុ ... នៅពេលដែលអាចធ្វើបានសូមទទួលទានជាតិស្ករធម្មជាតិដែលមាននៅក្នុងផ្លែឈើនៅពេលពួកគេផ្តល់នូវសារធាតុចិញ្ចឹមច្រើន។

២. ឃ្លានតែចំណីអាហារដែលផ្អែមៗ

ស្ករជាធម្មតាត្រូវបានរំលាយ និងស្រូបយកបានយ៉ាងលឿន អ្នកនឹងមានអារម្មណ៍ឃ្លាន សូម្បីតែបន្ទាប់ពីញ៉ាំនំខេករួចហើយក៏ដោយ។ តាមពិតជាតិស្ករត្រូវបានគេដឹងថាមានសមត្ថភាពបញ្ចេញសារធាតុ dopamine ។ ដូប៉ាមីនទាំងនេះជួយឱ្យអ្នកស្ថិតក្នុងអារម្មណ៍ល្អ។

ខួរក្បាលចាត់ទុកជាតិស្ករថាជារង្វាន់មួយ ស្ករកាន់តែច្រើនដែលអ្នកញុំាកាន់តែច្រើននោះ រាងកាយរបស់អ្នកនឹងស្រេកឃ្លានកាន់តែខ្លាំង។

៣. ឡើងមុនជាប្រចាំ

អាហារដែលផ្ទុកជាតិស្ករ នឹងកើនឡើងកម្រិតអាំងស៊ុយលីន។ ដរាបណាគ្លុយកូសចូលក្នុងចរន្តឈាម វាប៉ះពាល់ដល់ដំណើរការសរីរវិទ្យាស្មុគស្មាញជាបន្តបន្ទាប់ ដែលនៅទីបំផុតនាំឱ្យមានការរលាក និងការលេចឡើងនៃបញ្ហាស្បែកមួយចំនួន។

ការកើនឡើងអាំងស៊ុយលីន អាចបង្កើនសកម្មភាពរបស់ក្រពេញប្រេងនៅក្នុងស្បែក និងបង្កឱ្យមានការរលាក។ នោះមានន័យថារបបអាហារដែលមានជាតិស្ករខ្ពស់ នឹងជាកត្តាជម្រុញឱ្យកើតមុនមិនចេះចប់។

៤. ឡើង​ទម្ងន់

សញ្ញាមួយក្នុងចំណោមសញ្ញាជាក់ស្តែងបំផុត នៃការញុំាជាតិស្ករច្រើនពេក គឺការឡើងទម្ងន់។

កម្រិតជាតិស្ករខ្ពស់នៅក្នុងខ្លួន នឹងជួយបង្កើនការផលិតអាំងស៊ុយលីន ដើម្បីផ្ទុកជាតិខ្លាញ់លើសដែលបណ្តាលឱ្យមានបញ្ហាមេតាប៉ូលីស។

លើសពីនេះទៀត ស្ករក៏មានសមត្ថភាពក្នុងការបង្កើន ghrelin ផងដែរ អរម៉ូនដែលបណ្តាលឱ្យឃ្លាន។ ដូច្នេះអ្នកនឹងញុំាកាន់តែច្រើន។

៥. ជំងឺពុកធ្មេញ

ការបរិភោគបង្អែមច្រើនពេក នឹងបង្កើតជាការពុកធ្មេញ។ អាហារណែនាំដូចជាបង្អែមធញ្ញជាតិស្ងួតជាដើមអាចជាប់នៅចន្លោះធ្មេញរបស់អ្នក។

បាក់តេរីយកជាតិស្ករ fructose ពីជាតិស្ករដើម្បីផលិតអាស៊ីតឡាក់ទិកដែលធ្វើឱ្យខូចខាតដល់ធ្មេញ និងបណ្តាលឱ្យមានបញ្ហាមាត់ដូចជាដង្ហើមមិនល្អ និងពុកធ្មេញ។

ដូច្នេះដើម្បីការពារសុខភាពមាត់ បន្ថែមពីអនាម័យទៀងទាត់ និងត្រឹមត្រូវអ្នកត្រូវកាត់បន្ថយចំណីអាហារដែលផ្ទុកជាតិស្ករច្រើន។

៦. ជំងឺផ្តាសាយញឹកញាប់

ការបរិភោគផលិតផលដែលមានជាតិស្ករច្រើនពេក ប៉ះពាល់ដល់មុខងាររបស់ប្រព័ន្ធភាពស៊ាំដែលធ្វើឱ្យអ្នកងាយនឹងផ្តាសាយ និងជំងឺដទៃទៀត។

ដូច្នេះដើម្បីឱ្យរាងកាយមានសុខភាពល្អ ត្រូវកាត់បន្ថយបង្អែមញុំាផ្លែឈើ និងចំណីអាហារដែលសម្បូរទៅដោយវីតាមីន C និង E ក៏ដូចជាបេតាការ៉ូទីនស័ង្កសី ...៕

ប្រភព ៖ Phunutoday/Knongsrok