វដ្តរដូវចំពោះស្ត្រី គឺខុសគ្នាចំនួនថ្ងៃមករដូវ ទៅតាមសុខភាពរបស់មនុស្សម្នាក់ៗ។ ប៉ុន្តែប្រសិនបើរយៈពេលមករដូវរបស់អ្នកមានរយៈពេលលើសពី ៧ ថ្ងៃ អ្នកមិនគួរយកវាស្រាលទេ ព្រោះនេះជាសញ្ញាប្រឈមនឹងជំងឺគួរឱ្យបារម្ភមួយចំនួន ដូច្នេះ សូមយកចិត្តទុកដាក់ឱ្យមែនទែន។

១. មូលហេតុនៃការមករដូវមានរយៈពេលយូរជាង ៧ ថ្ងៃ

យោងទៅតាមអ្នកជំនាញ ការមករដូវរបស់ស្ត្រីជាធម្មតាមានរយៈពេលប្រហែល ៣-៧ ថ្ងៃ។ ប្រសិនបើការមករដូវមានរយៈពេលលើសពី ៧ ថ្ងៃ វាជាករណីនៃការមានរដូវយូរពេក។ មូលហេតុអាចមកពីកត្តាផ្សេងៗគ្នា។

វេជ្ជបណ្ឌិតក៏ព្រមានដល់ស្ត្រីផងដែរថា មូលហេតុនៃវដ្តរដូវរបស់ពួកគេមានរយៈពេលយូរជាងធម្មតា អាចបណ្តាលមកពីអ័រម៉ូនដែលនាំឱ្យមានមុខងារខ្សោយដល់ប្រព័ន្ធ corpus luteum, ជំងឺ endocrine ឬដោយសារតែស្ត្រីមានជំងឺដូចជា polyps ខាងក្នុង endometrium, ដុំសាច់ក្នុងស្បូន។ មិនត្រឹមតែប៉ុណ្ណឹងទេ ស្ត្រីដែលមានជំងឺសរសៃប្រសាទ និងមុខរបួសយូរកម្រជាសះស្បើយ ក៏ប៉ះពាល់ដល់វដ្តរដូវផងដែរ។

២. វិធីធ្វើឱ្យមានតុល្យភាព និងគ្រប់គ្រងការមករដូវ

- មានរបៀបហ្វឹកហាត់រាងកាយ

វាមិនត្រឹមតែជាបញ្ហាជំងឺប៉ុណ្ណោះទេ ការមករដូវមានរយៈពេលយូរជាង ៧ ថ្ងៃ ក៏អាចបណ្តាលមកពីទម្លាប់រស់នៅដែលមិនមានលក្ខណៈជាស្ត្រី។ ជារៀងរាល់ថ្ងៃ អ្នកគួរតែចំណាយពេលយ៉ាងហោចណាស់ ៣០ នាទី ដើម្បីហាត់ប្រាណ។ អាស្រ័យលើសុខភាពរបស់អ្នក សូមជ្រើសរើសកីឡាឱ្យសមស្រប និងត្រឹមត្រូវ។

ការបណ្តុះបណ្តាលរាងកាយរបស់អ្នក គឺជាគ្រឹះមួយនៃការថែរក្សា និងពង្រឹងរាងកាយ និងចិត្តរបស់អ្នក។ នៅពេលអ្នកធ្វើលំហាត់ប្រាណ វានឹងជួយលើកកម្ពស់ចរាចរឈាមធ្វើឱ្យប្រសើរឡើងនូវភាពមិនទៀងទាត់នៃរដូវ។ ទោះបីជាអ្នករវល់ក៏ដោយ អ្នកក៏គួរតែចំណាយពេល ៣០-៦០ នាទីដើរ ឬរត់យឺត ៗ ដែរ។

- បរិភោគរបបអាហារមានតុល្យភាព

របបអាហារមានតុល្យភាព ដែលមានជីវជាតិជួយឱ្យស្ត្រីមានរាងស្អាត ខណៈពេលដែលជួយឱ្យមានស្ថិរភាពនៃការមករដូវផងដែរ។ ជាពិសេសស្ត្រីគួរតែបំពេញបន្ថែមជាតិដែកឱ្យបានគ្រប់គ្រាន់សម្រាប់រាងកាយ ការកង្វះជាតិដែកនឹងប៉ះពាល់ដល់វដ្តរដូវ។ ជាតិដែកមាននៅក្នុងអាហារដូចជា ស៊ុត ស្ពៃសាច់គោជាដើម។

លើសពីនេះទៀត ស្ត្រីក៏គួរតែបន្ថែមវីតាមីន C ដែលល្អសម្រាប់ការផលិតអរម៉ូនអ៊ឹស្ត្រូសែន ជម្រុញការកន្ត្រាក់នៃជញ្ជាំងស្បូន និងធ្វើឱ្យវដ្តរដូវមានភាពប្រសើរឡើង។ អ្នកអាចបំពេញបន្ថែមនូវវីតាមីន C តាមរយៈការញុំាចំណីអាហារដូចជា ក្រូចឆ្មារ ក្រូច ជាដើម។ ក្រៅពីនេះអ្នកក៏ត្រូវចាំថាទទួលទានទឹកឱ្យបានគ្រប់គ្រាន់ជារៀងរាល់ថ្ងៃ។

ស្ត្រីក៏គួរតែបំពេញបន្ថែមជាមួយនឹងកង្វះវីតាមីន D។ កង្វះវីតាមីននេះធ្វើឱ្យស្ត្រីងាយនឹងកើតជំងឺទីរ៉ូអ៊ីតផលប៉ះពាល់អ័រម៉ូនអេស្ត្រូសែន និងអតុល្យភាពមករដូវ។

- តុល្យភាពអារម្មណ៍

ស្ត្រីដែលតែងតែជួបប្រទះសម្ពាធ និងស្ត្រេសនៅកន្លែងធ្វើការ និងក្នុងជីវិតនឹងមានរដូវមានរយៈពេលយូរជាង ៧ ថ្ងៃ។ ដូច្នេះស្ត្រីគួរតែរៀនបញ្ចេញអារម្មណ៍របស់ពួកគេដោយស្តាប់តន្ត្រី អានសៀវភៅជជែកលេងជាមួយមិត្តភក្តិ-ល-។ ការសម្រាកក៏ជាមធ្យោបាយជួយស្ត្រីឱ្យបន្ធូរអារម្មណ៍ និងថ្លឹងថ្លែងអារម្មណ៍ផងដែរ។

- រក្សាទម្ងន់សមរម្យ

ទម្ងន់របស់ស្ត្រី ប៉ះពាល់ដល់ចរន្តអ៊ឹស្ត្រូសែន។ ការធាត់ពេក ឬស្គមពេក ក៏អាចធ្វើឱ្យវដ្តរដូវមិនមានតុល្យភាពផងដែរ។ ដូច្នេះស្ត្រីគួរតែរក្សាទម្ងន់សមស្របដើម្បីមានសុខភាពមានស្ថិរភាព និងវ័យចំណាស់យឺត៕

ប្រភព ៖ Phunutoday/Knongsrok